Pastor Daniel Szpila ta splica cu e necesidad ta grandi pa cual sigur ta importante pa haya sosten di pueblo.
Segun Pastoor Szpila a gradici miembronan di prensa pa e empuhe cu nan ta dunando na e actividad di parokia di Dakota, pa renoba misa di La Birgen di Fatima di Dakota.
Anualmente nan ta recauda 500 mil florin, cual ta mas cu 1000 pa dia. E ta un contribucion hopi grandi, hopi generoso y asombroso pasobra e pueblo cu ta participa aki na misa di Dakota no ta grandi. E misa ta bastante chikito compara cu e otronan y casi nunca e ta full yen. Dus e grupo ta coopera grandemente, mescos cu diferente instancianan. Pastoor Daniel a gradici e generosidad di e pueblo.
Falta ainda un tercera parti ainda mas o menos y pastoor tin speransa cu e actividad aki lo ta e ultimo actividad pa cera e prome fase di renobacion y cu e lo trece locual ta falta, cual ta mas o menos 300 pa 400 mil florin. Esaki ta e suma cu falta pa cubri e fase principal di e proyecto. E proyecto mes tabata poco mas extenso, pero a keda limita pa motibo di un calculacion un poco mas concreto cu a resulta tambe den gastonan mucho mas grandi cu a spera. Pero locual ta principal lo keda renoba, manera e cambio di dak, plafond, instalacion electrico, cu ta uno obsoleto, uno bastante bieuw y hasta peligroso.
Bentananan tambe lo wordo renoba, e lijsji nan ta bastante afecta. Lo kier instala airco den misa pa e parokiano por ta comodo den celebracion liturgico pa no mester di ansha cu pastoor ta papia mucho largo y sodor ta stroba nan. Y nan no ta gosa di encuentro cu otro y cu Señor den un aire fresco, segun Pastoor Daniel Szplia di Parokia Birgen di Fatima na Dakota.