Diamars den oranan di mainta centro di alarma a keda informa cu un garashi na Seroe Biento ta na candela y tin varios auto aden. Di biaha a despacha tres unidad di brandweer pa e sitio. Polisnan y unidad di ambulans a keda despacha.
Polis a cera e caminda pa ningun trafico yega cerca debi cu e trucknan di brandweer ta riba caminda. Ta desconoci kico tabata causa di e candela unda varios auto a pega candela. Personalnan di brandweer despues di basta rato a logra combati e candela grandi aki.