Ganadonan di Wiki Loves Monuments 2018

0

Stichting Monumentenfonds Aruba (SMFA) a organisa e aña aki e di cuater edicion di Wiki Loves Monuments Aruba.

Na total a ricibi 241 fotografia di monumentonan cu a participa durante e luna di september na Wiki Loves Monuments. E aña aki compara cu añanan anterior a resalta e calidad di e fotografianan compara cu añanan anterior.

E decision dificil pa scoge 10 nominado a keda den man di ; Van Gassant: fotografo profesional , Raul Gei: representante di Monumentenbureau, Walter Mohamed: fotografo y Anne Witsenburg: Directora Stichting Monumentenfonds Aruba.
E diez nominadonan lo sigui participa na e competencia internacional hunto cu 54 otro pais. E resultado di esaki lo keda conoci na december proximo.

Diahuebs 8 di november a anuncia e ganadornan di e competencia local y e nominadonan.

Ganadonan categoria 1 : Monumentonan proteha

Prome Luga: Bea Croes a gana mil florin.
Di dos luga : Charles Ridderstap a gana Weekend stay La Cabana Beach Resort and Casino
Di tres luga: Gerald Rasmijn a gana 250 florin cash

Ganado Categoria 2 : Monumentonan no proteha: Dyanne Lopez Schipper a gana 250 florin cash

E persona cu a load mas fotografia tabata Beverly Akins cu setenta fotografia.

Tur e ganadonan a ricibi tambe nan fotografia riba Canvas pa recuerdo.

Wiki Loves Monuments ta un competencia di fotografia di monumentonan organisa pa wikimedia Nederland. Esaki a cuminsa na 2010 na Hulanda, na 2011 paisnan di Europa a participa y na 2012 e la bira un competencia mundial caminda a haña e record Guiness tambe pa concurso di fotografia mas grandi di mundo! Na 2013 Aruba a participa y e aña aki a organisa e di cuater edicion. Pa otro aña e plan ta pa uni hunto cu islanan di Boneiro y Curacao pa hunto organisa Wiki Loves Monuments Dutch Caribbean.

E meta principal di e competencia ta pa genera mas informacion tocante nos herencia cultural riba wikipedia y comparti nos bunita monumentonan cu mundo henter. Asina aki tambe SMFA ta contribui na preserva nos historia pa futuro.

Comments

comments