STOCKHOLM, Suecia (AP) — El dokter Congoles cu e aña aki ta comparti e Premio Nobel di Paz pa su esfuersonan pa pone fin na e uzo di violencia y agresion cu armanan di guera, a haci un yamada dialuna pa haya un accion mas grandi internacional contra e abuso, incluyendo indemnisacion pa e victimanan.
E dokter Denis Mukwege, fundado di un hospital den e oriente di Congo, cu a atende miles di victimanan a lo largo di dos decada di conflicto den e pais y e activista Nadia Murad a ricibi e premio den e ceremonia den e capital Noruego di Oslo. E premio di 9 miyon corona Sueco (1 miyon dollar).
Den un discurso interumpi frecuente aplauso, Mukwege a critica e comunidad internacional pa a permiti cu e Congolesnan a wordo “humiya, abusa y masacra a plena bista durante mas di dos decada”.
“Mi ta insisti den e indemnisacion, medida cu ta duna e victimanan compensacion y satisfaccion, y ta permitinan pa cuminsa un vida nobo”, el a bisa. “Mi ta haci un yamada na estadonan pa apoya e iniciativa di crea un fondo global pa indemnisacion na e victimanan di violencia sexual den conflictonan arma”.
Decenas di gruponan armado na Congo a beneficia di mina e recursonan mineral di e pais, di cual hopi ta wordo uza pa fabrica productonan electronico manera smartphone.
Murad, parti de la minoria Yazidi di Irak, a wordo secuestra y sexualmente abusa pa e milicianonan di e grupo Estado Islamico na 2014. El a comberti den activista despues di a scapa y haya refugio na Alemania.
Durante e ceremonia Murad a bisa cu e kier pa e lidernan mundial traduci e empatia.
“E premio aki ta obliga Denis Mukwege y Nadia Murad di sigui cu su trabao vital. Pero e premio ta obliga nos di ta na banda di esunnan den e lucha, pa pone fin na e violencia sexual den temponan di guera”, Berit Reiss-Andersen, directora di e Comite Noruego di Nobel cu ta scoge e ganadonan di pas, a bisa. El a finalisa bisando cu e accion ta necesario.