E concierge Maruschca Violenus y engineer Randolf Roch a gana e honornan maximo recientemente na e song festival, y Germaine Henriquez di F&B department a gana best show.
E ganadornan a ricibi un fuerte aplauso y nan a wordo respalda cu entusiasmo pa e huradonan como tambe e publico den dos categoria, A y B.
Ademas di Maruschca Violenus den categoria A, otro cantantenan cu a sobresali tabata Ryanda Geerman y Lyrza Lansiquot di Front Office na segundo lugar, y Roberto Cañas di Housekeeping na tercer lugar.
E ganadornan den categoria B a inclui engineer Randolf Roch na prome lugar, Juan Perez di Housekeeping na segundo lugar y Fawcett Antonnio di Pool & Beach na di tercer lugar. E song festival cu tabata perfectamente organisa, a entretene e asociadonan, ya cu e tabata organisa detayadamente pa e Social Committee. E festival a otorga trofeo atractivo pa e ganadornan, tur generosamente patrocina pa proveedornan turistico.
Acompaña pa Buleria, e festival a wordo huzga pa miembronan di hurado profesional, cu a tuma tempo liber pa contribui na e nivel di profesionalismo y espectaculo, ya cu nan a seleciona e ganadornan entre e participantenan talentoso.
E anochi tabata yena cu bon musica, rifa, door prizes, y tambe varios sorpresa y show di carnaval.
Excelente participacion y gran talento demostra pa: Maria Maduro, Food & Beverage; Luis Miguel Gimenez, Housekeeping; Ryanda Geerman/Lyrza Lansiquot, Front Office; Germaine Henriquez, Food & Beverage; Maruschca Violenus, Concierge; Alondra Julia / Lisandra Vrolijk, Food & Beverage; Roberto Cunas, Housekeeping; Princess Leah Croes, Cabanita; Orlando Bolivar, Food & Beverage; Mathilde Benito, OS; Juan Perez, Housekeeping; Fawcett Antonnio, Pool & Beach; Hilario Geerman, Engineering; Randolf Roch.