Romar Trading hunto cu Heineken un biaha mas tabata tin nan campaña di Champions League, unda den fin di siman tras di lomba a saca e ganadornan. Sr. Bryan Maduro ta amplia.
Un delegacion a sali pa Spaña pa presencia e partido entre Real Madrid y Alteltico Madrid. E campaña tabata consisti di cumpra un caha den supermercado of bay na un bar participante, cumpra un cerbes y bo tabata tin chance di gana e campaña.
Sr. Bryan Maduro, como anfitrion, a sali hunto cu cuater otro persona, cual ta di e bar y e supermercado cu a gana, y tambe e doño di e negoshi tambe tabata tin un chance pa gana pa bay presencia e partido aki.
E reaccion pa e campaña aki, vooral na e barnan, vooral ora di e partidonan, e luganan tabata yen mes y na supermercadonan e benta di caha di Heineken tambe a subi.
Sr. Maduro a splica cu a saca e ganadornan, pero ainda e campaña no a caba. Dia 3 di Juni lo bay un final viewing event, aña pasa e la tuma luga na Mr. Jazz pero e aña aki ainda nan no kier divulga e locacion. Den supermercado e campaña ta sigui, y tambe den e barnan tambe, unda cu den supermercado ta cumpra un caha y ta participa pa gana un VIP pass pa un grupo di amigo cu por haya un haya un asiento den seccion di VIP na e evento final dia 3 di Juni.
Esaki ta un experiencia pa cualkier hende cu kier presencia un partido di indole aki, cual e ta un experencia tremendo. Riba rednan social por sigui e grupo aki, con nan ta pasando na Spaña.
Ta encurasha tur hende pa sigui participa pa dia 3 di Juni, pa un tremendo evento final y pa un bon partido pa e campaña di Champions League.