Ganadonan di campaña di conscientisacion di comision di AHATA a ricibi nan premio

Grupo di Ganadonan

E comision di medio ambiente di Aruba Hotel & Tourism Association (AHATA) a hasi entrega di premionan na e top 10 “camp site” cu a mantene campamento responsabel, consciente di nos medio ambiente. AHATA a organisa e campaña di conscientisacion y tur participante den e campaña mester a mantene nan mes na e criterianan cu e Comision di Medio Ambiente di AHATA hunto cu polis a indica. Durante campamento e comision a pasa bishita diferente area entre San Nicolas y Noord.

Campadonan ganado ta:
Arnold Legrand, Maikel Geerman, Hubert Genaro Ras, Armanda Geerman, Susania Kock, Charijn Maduro, Theresita Martijn, Genela Marycela Landbrug-Thode, Francisco Harms y Richenel Bello.

Comision di medio ambiente di AHATA ta gradici tur campado cu a participa y ta orguyoso di e interes cu Aruba su campadonan a demostra pa proteha nos beachnan.

Na e mesun evento a duna danki na tur e boluntarionan cu a yuda cu e campaña. A haci entrega di certificado na e studiantenan di EPI HORECA y Universidad di Aruba cu a yuda hiba e mensahe na tur campadonan.

AHATA ta gradici su miembronan pa a sponsor e premionan: Aruba Marriott & Stellaris Casino, Marriott’s Aruba Surf Club, Marriott’s Ocean Club, La Cabana Beach Resort & Casino, Eagle Aruba Resort & Casino, Barcelό Aruba, De Palm Tours, Manchebo Beach Resort & Spa, Divi Aruba Phoenix Beach Resort y Talk of the Town Hotel & Beach Hotel.

FIN

Comments

comments