Romar Trading Company NV a ofrece un actividad di binja di Casillero del Diablo den conclusion di e campaña di Casillero Del Diablo Win A Trip to Chile.
E ganadonan di e evento a wordo honra durante un encuentro special. Ta trata aki di e ganado di e prome luga, Junior Arends, kende a gana e Biahe pa Chile, Teddy Philips, kende a gana un Estadia di Fin di Siman, y Diana Falcones, kende a gana un Cena pa Dos.
Artista di Biña Clive Faustin a yama e invitadonan bon bini den nomber di Romar Trading Company N.V., promoviendo e compania su top marca, Casillero del Diablo, un leyenda di biña di Chile su miho tereno di biña.
Manera a wordo splica pa Faustin, ora Don Melchior de Cas Concha a descubri cu su biñanan tabata desapareciendo, el a inventa un leyenda cu e diabel ta biba den su casilleronan pa asina duna miedo na e ladronnan di su biña, y asina tambe e biña a haya su nomber.
Ta obvio, Faustin a splica, cu Don Melchior mester a proteha e biña, ya cu e tabata gusta su biña asina hopi.