BEIJING, China- E activista di derechonan Humano y ganado di premio Nobel di Paz, Liu Xiaobo a sali for di prizon pa motibonan medico y ta hayando tratamento pa cancer di higra cu ya ta den etapa avansa.
Liu, di 61 aña, na 2009 a wordo condena na 11 aña di prizon, pa “incita subversion contra di e poder di Estado”, despues cu el a yuda pa scirbi un peticion conoci como “Capitulo 08”, unda e ta pidi pa realisa reformanan profundo na China.
Na December 2010, Lui a wordo galardona cu e Premio Nobel di Paz pa su actividadnan promoviendo derechonan humano, cual a provoca cu China a congela su lasonan diplomatico cu Noruega, aunke cu a ambos pais a normalisa nan relacionnan na December aña pasa.
Shang Baojun, abogado di Liu, a confirma e notiia di e hospitalisacion di e ganado di premio Nobel di Paz na Shenyan. E libertad condicional pa motibonan medico a wordo aproba.
Amnistía Internacional tambe a confirma e noticia riba e malesa di Liu den un tweet.
Ministerio di Relacionnan Exterior di China, unico organo di gobierno cu normalmente ta contesta preguntanan di medionan di prensa stranhero, a bisa di no ta na altura di e situacion.
Fuente: www.lta.reuters.com