Diabierna a tuma lugar den CB Playa pabao e competencia di Disfras di Material Recicla 2020. Un total di 9 participante den 3 categoria a competi. E anochi a ser anima pa MC Addonsito Croes y a conta cu presentación nan di Quality Brassband, Jordan Koolman, Akirah Margarita y Jeraeu Celaire. E cuerpo di hurado consistiendo di Julisa Croes-Helder, Marline van Blarcum, Sharline Hernandez y Leonardo Figaroa, tawata tin un tarea duro pero na final a saca como ganado nan NAILINE HENRIQUEZ (categoria A cu a saco nan di Chips) , AJ DA SILVA MENEZES (categoria B cu e Truck di Serlimar), y XIARA GEERMAN (categoria C cu e pakinan di Pepsi Cola). Un pabien y danki ta bay pa cada scol y mayor cu a participa. Pabien na sr. Dennis Burke y tur grupo di boluntario cu a pone un bunita evento riba escenario. Danki na e publico cu tawata presente y otro aña lo tey pa e di 7 edicion di e competencia.
