Lotto di Dia a conoce un feliz ganado di e suma di 88.120 mil florin. Riba 31 di October, 2016 Meneer Marcelo a gana e jackpot di #LottoDiDia cu e suma di 88.120 mil florin. E la cumpra tres combinacion di number hopi similar na otro, na Cristal Lottery.
Lotto Di Dia tin sorteo tur dia. Dialuna pa diasabra pa 9:00PM y riba diadomingo pa 2:00PM. Cada ticket ta costa 2 florin pa ticket y tambe tin un wega adicional cual yama Facilito. Cu Facilito bo por gana premio cash y al insante. E wega aki ta costa 1 florin so. Simplemente pidi e rebendedo pa Lotto Di Dia cu su Facilito pa bo tambe ta den wega pa gana e jackpot y premio cash.
Lotto, e loteria di Aruba tin diferente wega; Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega cu su Mega Plus y e diferente weganan di Raspa y Gana. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.