Gamers rond mundo por ta riscando pa sufri perdida di oido ireversibel of tinnitus (zummento persistente den oido), segun un revision sistematico di e datonan disponibel publica den e revista di acceso habri BMU Public Health.
E datonan disponibel ta indica cu e nivelnan di zonido registra den estudio realisa cu mas di 50 mil persona sa acerca of supera e limitenan di siguridad permiti, e investigadonan a conclui.
Y dado e popularidad di e weganan aki, mester mayor esfuerso di salud publico pa conscientisa riba e riesgonan potencial, nan ta insisti.
Mientras cu headphone, helm y localnan di musica a wordo reconoci como fuente di nivel di zonido potencialmente peligroso, a presta relativamente poco atencion n’e efectonan di wega di video, incluyendo deporte electronico, den e perdida di oido, segun e investigadonan.
E hungadonan sa hunta cu nivel di zonido di intensidad halto y durante varios ora sigui, nan ta añadi. Un calculacion ta indica cu na 2022 lo tin mas di 3 mil miyon gamer rond mundo.
Pa trata di construi un base di dato, e investigadonan a rastrea e basenan di dato di investigacion en busca di estudio pertinente y buki blanco, boletin, informe y acta, denomina colectivamente “gray literature”, publica den cualkier momento na Ingles, Spaño y Chines.
A inclui den e revision di por lo menos 14 estudio revisa di par procedente di 9 pais di Norte America, Europa, Zuidoost Asia, Asia y Australasia y caminda cu un total di 53.833 persona a participa.
Diesun tabata estudio di observacion epidemiologico), 6 di cual a analisa e relacion entre audicion y e weganan di computer of wega di video, 4 tabata enfoca den e centronan di wega of ‘personal computer rooms’, hopi popular na Asia y uno tabata enfoca riba celular.
E nivelnan di zonido notifica tabata varia entre 43.2 decibel (dB) (celular) y 80-89 dB (centro di wega) mientras cu e duracion di e exposicion na desordo tabata varia den e funcion di e modo y e frecuencia di acceso: di diario na un biaha pa luna, durante por lo menos un ora cada biaha, cu un promedio di 3 ora pa siman.
E zonidonan impulsa ta consisti den rafaga cu ta dura por lo menos un seconde, cu nivel maximo di por lo menos 15 dB mas halto n’e background noise. Segun un estudio, e zonidonan impulsivo a alcansa nivel te cu 119 dB durante e wega; e limitenan di exposicion permiti ta di mas of menos 100 dB pa mucha y di 130-140 dB pa adulto.
E Union Internacional di Telecomunicacion (UIT), hunto cu e Organisacion Mundial di salud, ta describi un compensacion entre tempo y intensidad, conoci como tipo di cambio, p’e nivelnan permisibel y e duracion di e exposicion, e investigadonan ta splica.
Por ehempel, un nivel di exposicion na zonido permiti di 80 dB durante 40 ora pa siman cu un tipo di cambio di 3 dB ta nifica cu e tempo di exposicion permiti ta reduci na mita cu cada aumento di 3 dB na nivel di e zonido: na 83 dB ta 20 ora; riba 86 dB ta 10 ora; riba 92 dB ta 2,5 ora y 98 dB ta di 38 minuut.
Den e caso di mucha, e nivel di exposicion na zonido admisibel ta di 75 dB durante 40 ora pa siman. Por lo tanto, e muchanan por scucha sin peliger un zonido di 83 dB durante 6,5 ora, di 86 dB durante por lo menos 3,25 ora, di 92 dB durante 45 minuut y 98 dB durante solamente 12 minuut pa siman, e investigadonan a splica.
Seis estudio a informa riba e prevalencia di wega entre e hobennan, cu ta varia entre 20% y 68%. Dos estudio Zuid Koreano a informa di un prevalencia di uzo di e centronan di wega rond di 60%.
Cinco estudio a evalua e relacion entre e weganan y e perdida di oido, e limitenan di oido of tinnitus declara p’e propio participantenan. Di nan, dos a descubri cu e uzo di e centronan di wega di parti di e studiantenan tabata relaciona cu un aumento di e posibilidadnan di sufri di tinnitus grave y perdida di oido di e zonidonan di frecuencia halto den ambos oido.
Otro estudio di observacion di gran tamaño a indica cu e weganan di video tabata wordo asocia na un aumento di e probabilidadnan di perdida di oido grave declara p’e propio pashent.
Un estudio ta indica cu mas di 10 miyon di persona na Merca por ta exponi na nivel di zonido “halto” of “hopi halto” procedente di wega di video of wega di PC.
Un estudio a midi e nivelnan di zonido di 5 wega di video a traves di headphone conecta n’e console y a descubri cu e promedio tabata 88,5, 87,6, 85,6 y 91,2 dB pa 4 wega di tiro distinto y 85,6 dB pa un wega di careda.
Por lo tanto, e autornan a conclui cu e nivel diario di exposicion na zonido di e weganan aki ta programa riba e nivelnan maximo permiti di exposicion na zonido.