Riba 6 di Maart 2017 Gabriel Garcia Márquez lo a cumpli 90 aña.
Mirto Laclé, hunto cu Biblioteca Nacional Aruba y Departamento di Cultura Aruba un biaha mas ta uni forsa en cooperacion cu nos planta nacional Tele-Aruba (canal 13 y 23), pa transmit e película Gabo, la Magia de lo Real.
Con un mucha di e pueblo Aracataca di e parti nort di Colombia por a gana curason y simpatia di miyones di persona, desde esunnan di mas pober te na e lidernan mas poderoso na mundo?
Ademas tambe, con e obranan literario di Gabriel Garcia Márquez por a cambia nos percepcion di realidad?
E contesta ta: E historia di Gabriel Garcia Márquez, Premio Nobel di Literatura na aña 1982, autor di e obra maestro Cien Años de Soledad (1967), obra literario conoci na henter mundo y traduci na centenares di idioma.
Pesey tin e oportunidad unico pa mira e película Gabo, la Magia de lo Real diabierna awo, 10 di Maart, despues di e sorteo di Lotto pa Deporte pa mas o menos 9:10 p.m. na nos planta nacional Tele-Aruba.