Gabinete Wever-Croes a cumpli su prome 100 dia den gobernacion. E 100 dianan cu tabata necesario pa haya un bon bista di tur e retonan cu nos pais ta pasando aden y e retonan cu ta spera nos pais.
Tabata 100 dia den cual gobierno a pone e fundeshi pa un coalicion firme cu lo goberna e siguiente 4 añanan, y mas. Tabata 100 dia den cual gobierno a pone e prioridad bek na e ser humano, na reestablece orden y respet y na gana bek confiansa y credibilidad den gobierno. Den un programa special, gabinete Wever- Croes lo raporta riba e prome 100 dianan, pero desde awo Sra. Evelyn Wever- Croes, den calidad di Prome Minister di pais Aruba, kier gradici e pueblo di Aruba, pa su cooperacion y sosten durante e 100 dianan aki.
Prome Minister, Sra. Wever- Croes ta spera di por sigui conta cu e sosten pa gobierno realisa su su metanan, poniendo e ser humano central.