Gabinete Wever-Croes den pleno ehecucion di nan programa di integridad

Diaranson mainta Parlamento den su totalidad a aproba e ley di Ombudsman. Esaki ta un di e pasonan cu Gabinete Wever-Croes a stipula den nan acuerdo di gobernacion pa fortifica nos estado di derecho y garantisa bon gobernacion. E ombudsman, mihor conoci como e defensor di pueblo, lo bringa primordialmente pa salvaguardia e derecho di e “homber y muher chikito”.

Un iniciativa cu a wordo inicia door di partido MEP na 2005, y awe ta bira un realidad bou di gobernacion, lidera pa MEP. Un pabien ta bay na nos prome Minister Evelyn Wever-Croes, kende awe por wak parti di su vision pa loke ta fortifica bon gobernacion, bira un realidad.

Comments

comments