Gabinete Rutte a cay pa motibo di e scandal di e Kindertoeslag Opvang

Den Haag, 26 oktober 2017. Het kabinet-Rutte III en koning Willem-Alexander staan op het bordes bij Paleis Noordeinde in Den Haag.

E Gobierno di coalicion di Hulanda a cay awe diabierna pa motibo di e scandal di e subsidionan familiar pa cuido di mucha. E fiasco politico aki a bin ta tumando lugar for di 2014 y no solamente a trece dilanti e fayonan di e autoridad fiscal, pero tambe practicanan discriminatorio.

Mas o menos 26.000 mayor a bira victima di e actonan extremamente duro di un sistema di vigilancia di toeslag cu, den busca di posibel fraude, a realisa un investigacion discriminatorio den funcion di origen, como cu mayoria di e mayornan ta di ascendencia Turco of Marokano. E sospechonan di fraude na gran escala di e famianan aki a wordo bisa di ta infunda, pero e disculpa ofreci door di Gobierno y e problemanan di e pandemia no a sirbi hopi teniendo na cuenta cu e mayornan a cay den debe y hasta yega na perde, den ocasionnan, nan cas y trabou. Y cu nan mester a soportar e stigma social di wordo señala pa un delito cu nan no a comete.

Comments

comments