PARIS, Francia – Miembronan di G7, cu excepcion di Merca, a reitera nan compromiso di implimenta “rapidamente” e Acuerdo di Clima di Paris y a recohnoce cu Washington ainda no ta den posicion di ta riba e liña aki.
“Merca ta den un proceso di revision di su politicanan di cambio climatico y riba e Acuerdo di Paris y por lo tanto, no (ta) den posicion di uni na e consenso riba e temanan aki,” segun e declaracion aproba riba termino di e cumbre di dos dia.
E hefenan di estado y Gobierno di Canada, Francia, Alemania, Italia, Hapon, Reino Uni y presidentenan di e Comision Europeo y e Conseho Europeo, a añadi e texto “ta compronde e proceso aki” y “ta reafirma su fuerte compromiso di implimenta rapidamente e Acuerdo di Paris”, tal como a compromete na 2016 den su cumpre na Hapon.
E presidente di Merca, Donald Trump, a revela di su banda, cu e lo tuma su “decision final” riba si su pais mester sigui forma parti di e Acuerdo Climatico di Paris “otro siman.”
Trump a haci e anuncio aki atrabes di su cuenta di Twitter durante e cumbre.
E prome minister Italiano, Paolo Gentiloni, kende a eherce di anfitrion di e cumbre, a bisa durante un rueda di prensa despues di e cumbre, cu a registra “un diferencia cu no ta secundario riba un di e temanan mas importante,” di e agenda di e forum.
“Nos no a descubri na Taormina y mi ta spera cu logra pa salba e diferencianan den e proximo simannan,” Gentiloni a bisa.
E mandatario Italiano a adverti cu, den caso cu, e otro miembronan di G7 “no cambia un milimetro” nan posicion respecto na e cambio climatico.
Gentiloni ta confia cu e revision di e politicanan climatico di parti di Merca “conclui pronto y bon.”
“Pronto pasobra laga e posicion di e economia mas importante di mundo den incertidumbre, riba e aplicacion di e Acuerdo di Paris, lo ta hopi grave y pasobra e aplicacion di e Acuerdonan di Paris mester di e contribucion di Merca,” el a añadi.
Gentiloni a destaca cu e socionan di Washington a duna argumentonan importante na fabor di e aplicacion di e acuerdo, liga tambe na e sectornan empresarial cu ta desaroyando entorno e energianan renobabel of e innovacion y e oportunidadnan di desaroyo cu “no por laganan “pa otro potencianan mundial.
Fuente: http://www.rcnradio.com