Ciudadano di Brasil ta indigna pa e moro di un hende homber di color despues di a keda golpia pa guarda di siguridad na un supermarket. Varios protesta a cuminsa na ciudadnan principal di e pais cu frase familiar di Merca ‘I can’t breathe’ ‘mi no por hala rosea’.
E sucede a pasa na un supermarket Carrefour na e ciudad di Porto Alegre. Den e video di e supermarket por a wak ora dos guardia di siguridad a hiba João Alberto Silveira Freitas pafo di e tienda y por rasonnan cu no ta cla a cuminsa golpia un di e siguridad.
Despues e dos siguridad a golpia e hende homber, incluyendo golpi na cabes te ora cu el a cay riba vloer. Nan a pone presion na su lomba y nek. Despues di varios minuut cu nan a keda want’e por wak hende rond a cuminsa wak ora cu Freitas a stop di lucha y su curpa a stop di move.
Hefe di polis ta investigando e morto di Freitas, parce el a muri di asfixia, segun CNN Brasil. Un analesis prelimina di Instituto General di Medicina Legal a indica cu e morto ta pa motibo di asfixia. E tata di Freitas a cualifica e morto manera asesinato y ta exigi husticia. Ambos siguridad ta den prizon pero no a keda acusa.