Fundraising Picnic-Dansant di Quota Club cu tema di ‘Boots and Bling’

0
RBC Juli 2018
Funmiles-2018

Quota International of Aruba ta un organisacion di servicio cu ta dedica na mehora calidad di bida di esunnan menos afortuna, principalmente esunnan cu problema di oido y habla, tambe na hende muhe y muchanan den dificultad. Pa por haci esaki miembronan di Quota ta recauda fondo tur aña pa por dedica esaki na esunnan cu mas mester di dje den nos comunidad. E aña aki Quota su tema ta ‘Boots and Bling’.

En relacion cu Quota su 30 aña di existencia na Aruba, luna pasa Quota a haci e bunita donacion di Afls. 100.00 mil florin na varios instancia aki na Aruba, tur locual nos recauda ta bay bek na nos comunidad, ademas di miles di ora di servicio cu nos miembronan ta brinda.

Quota no por cumpli cu esaki, sin ayudo di henter e pueblo di Aruba, specialmente nos comerciantenan kende gran parti ta coopera cu Quota. Aruba awor ta bo oportunidad pa duna bo aporte tambe.

E evento anual di recaudacion di fondo lo tuma luga e aña aki:
• Diadomingo, 10 di juni, 2018, na Renaissance Conference Center. Ora lo ta di 12 or merdia pa 5 or atardi. Musica lo ta den man di e miho bandanan Robert y su Solo banda Show, “N Fuzion y Miniteca “Genie.
• Quota ta bay tin su Grand Doorprize cu lo ta 2x roundtrip ticket pa Colombia- Bogota, 3 anochi den hotel luhoso, breakfast inclui, Transporte airport y city tours.
Esaki lo ta un tremendo regalo pa tur Tata, e fecha ta net un siman prome cu dia di Tata, bin celebra cu Quota y pasa un dushi dia di famia.

Ticketnan ta disponibel caba cerca miembronan di Quota pa Afl. 180 pa persona. Lo tin dushi cuminda, manera Quota Semper sa scoge cu ta pas cu e tema y cu e excelente Chef di Renaissance kende ta prepara e cumindanan, esaki ta inclui den e prijs.
Bin pasa un dia ameno, cu bon musica y dushi cuminda, y na mes momento duna bo aporte na esunnan menos afortuna den nos comunidad.
Na Juli Quota International Inc ta celebra 100 aña y e actividad ta wordo celebra na Washington DC.

E evento di Fundraising ta e actividad mas grandi di Quota y cu boso participacion sigur e evento lo ta un success grandi atrobe.

.

Comments

comments

C: Heineken
new india