Hopi di e fundacionnan cu ta maneha e scolnan, ta depende di trabao boluntario. Mester reconoce e ciudadanonan aki, cu ta trahando den e diferente fundacionnan, e.o. SMOA, SKOA, SPOA, y diferente otro fundacionnan di Iglesia Adventista y Faith Revival cu ta maneha e scolnan y constitucionalement4e nan tin derecho pa maneha e scol segun nan identidad religioso. Esun cu ta traha eynan, ta boluntario. Y mester reconoce e trabao boluntario cu nan ta contribui na nos sistema di enseñansa. Esey caba ta duna un indicacion cu esey nan no ta di tempo completo dedica na enseñansa. Nan mester duna mas apoyo pa profesionalisa e directivanan di scolnan. Enbes di cuminsa critica kico ta bay robes, e minister di Enseñansa ta bisa di ta aprecia e trabao boluntario, pero ta reconoce cu di banda di gobierno mester duna mas training, mas apoyo, mas facilidad pa bin pa e profesionalisa e directivanan di scol.