Michael Wever di Fundacion Sero di Jan Flemming a mustra cu nan lo bay tene dos actividad, esta dia di Himno y Bandera y tambe Dia di Rey. Ta prome biaha cu nan ta bay haci tur dos. Ta spera cu esakinan ta bay bon y ta invita tur hende pa bin y join hunto. Pa loke ta Aruba Doet, ta haci oportunidad pa subi riba website di Aruba Doet, pa inscribi riba tur e proyectonan cu tin. E fundacion mester di algun boluntario ainda y ta warda pa acomoda segun cu Aruba Doet ta tuma.
Wever a agrega cu un dia prome Serlimar a cuminsa pa haci e parti di limpiesa, caminda cu e veld ta bin. A haya pa loke ta yudansa di Serlimar mes, pa e fundacion ta hopi bon. Algun hende di e comision pa bin wak e luga. Despues a bin haya bishita inespera di polis y di polis di bario, indicando cu nan ta rosando. A mustra polis tur e documentonan legal kico ta wordo haci y e tereno ta wordo uza pa esey. No ta bay haci nada otro. Por ta e hendenan a mal informa polis y bisa cu ta bay traha cas, etc.
Wever a sigui splica cu en berdad, esaki ta loke lo bay pasa. Ta un bisiña cu ta biba un tiki mas leu di e tereno. E tambe tabata participa hunto cu e demas personanan den e fundacion. Su ideanan tabata otro y no por a yega na otro, pa loke ta e di dos aña. E mes a dicidi cu e ta coy un otro rumbo y e fundacion ta sigui.
E tabata tin e mentalidad cu e no ta bay haci nada y ningun hende no por haci nada tampoco. No ta pavia di un hende cu no kier haci nada mas y tur cos mester para. E ora a tuma e ora pa sigui cun’e y haci’e legal e ora, busca e tereno legalmente, lanta un fundacion caminda cu ningun hende no ta doño di e luga. E fundacion ta maneh’e. Esnan cu ta sinta den e bestuur, ta haci e trabao. Na momento cu cambia, otro hende ta sigui bay. Lamentablemente nan a wordo difama. A mand’e riba Facebook. A purba di link prensa cun’e pa por lanta algo cu no ta bon. E usuarionan a scucha un banda so e momento ey. Mirando esaki, a tuma e oportunidad pa yama prensa y splica kico ta e berdad.
E tereno aki ta un huurgrond di Gobierno, segun Wever. El a wordo pasa pa e fundacion pa por maneh’e. Ta bay haciendo e veld, pero un biaha mas ta bezig ta cultivando mas hopi mata cu ta posibel. Tin potret saca caminda cu tabata tin hubada y un of dos watapana chikito. Pa loke kier haci tin cu sacrifica un poco. Pesey ta kita e chikitonan, purba di conserva e grandinan na banda pa nan keda y fungi como sombra di biaha. Esey tabata e intencion, segun Wever.
E trabao tin gasto cun’e. Ta papiando aki di un averahe basta bon di placa cu tin cu wordo hinca den dje. E Patrocinadornan principal ta esnan di bario. Nan ta pushando cen tur luna den dje. Ta haci’e den forma di sam pa no haci’e demasiado duro. Asina por yega na un budget December pa loke ta dornamento. Aparte di esey, ora di yega December ta haya tur hende ta bay eyriba. Esaki no solamente ta un parti cu pueblo mes ta bin goza y disfruta di mira luz y cana etc., Pero tambe pa e bario e ta bon, pasobra ta bin y ta uni hunto y traha hunto. E bida social ta bezig ta build up eynan. Pa e fundacion e ta hopi bon.
Esaki ta bira algo hopi mas positivo pa e bario tin mas atraccion cu luz. E fundacion kier hib’e un tiki mas no solamente want’e na luz, pero pa e por wordo uza henter aña.