Meta di e fundacion cu a lanta ta pa cuida y sigui haya mas informacion di e historia di e bario di Rancho mirando cu tin hopi cos cu a pasa den e bario aki antes. Sr. Rosa, director di Fundacion Rancho ta splica.
Den su prome exposicion den Schelpstraat, a haya hopi informacion pa educa nan mes y e generacion cu ta biniendo. Esey ta algo importante, y esey ta algo cu e Fundacion ta fomentando. Pero tin hopi otro aspecto pa e desaroyo comercial, cu e Fundacion mester sa di dje, sino e sobrevivencia di e Fundacion no por wordo garantisa. Asina aki e Fundacion y e tambe e desaroyo Socio Economico tin atencion tambe riba dje.
Actualmente Fundacion no ta generando fondo, y Sr. Rosa a splica cu a premira cu lo cuminsa cu un caminata den e bario. Esey lo bay ta e prome actividad cu lo mester bay genera fondo. Tin hopi aspecto cla caba y hopi prueba a wordo haci, pero pa e parti pa genera fondo no ta asina facil pa cuminsa cu un proyecto asina.
E interes pa drenta scolnan, conta tocante e piscadonan, y esey ta loke e fundacion ta haciendo caba pa algun aña. Vooral riba dianan nacional, ta haya scolnan cu ta haci peticion, y e ora fundacion ta hiba e informacionnan scol. Esaki ta vooral den cuadro di 18 di maart.
Den e area di Rancho mes, tin diferente scolnan, ta nan tur den e area di Oranjestad, a haya un acuerdo cu SKOA pa asina drenta e scolnan tambe, segun Sr. Clifford Rosa, director di Stichting Rancho.