Sr. Clifford Rosa, Presidente di Fundacion Rancho a splica tocante e biahe cu el a haci pa La Guajira, Colombia, cu el a categorisa como historico.
Fundacion Rancho a haci un biahe pa La Guajira, Colombia, tabata un momento historico unda nan lo topa cu eGobernador di La Guajira pa yega na un carta di entendimento pa asina traha riba e doel cu nan tin, pa traha riba e intercambio cultura y comercial cu La Guajira.
Tin un documento firma entre Departamento di Cultura di Aruba y Fondo Mixto de Cultura di La Guajira, cual tabata un intencion caba cu a wordo poni y desde 2010 diferente biaha a bay La Guajira, segun Sr. Rosa, di Fundacion Rancho. Tambe delegacionnan di La Guajira a bishita Aruba, y asina a cumisna crea loke ta e intercambio desea.
E mandato cu Fundacion Rancho a haya di Departamento di Cultura na 2016, pa asina ehecuta e parti comercial, pa asina sigui cu e parti di cultura pero el a agrega e parti comercial. Sr. Rosa ta gradici Camara di Comercio di La Guajira cu a haci un bishita pa Aruba. Na 2017, Fundacion Rancho ta logrando un otro meta, pa asina tin un carta di entendimento cu e Gobernador di La Guajira.
E programa di Fundacion Rancho na La Guajira, unda sigur e prome dia di trabao cu nan tabata tin cu e gobernacion di La Guajira pa yega na e documento, y sigur gradiciendo Camara di Comercio, pa asina e siguiente dia por pensa y traha ariba locual ta e programa pa resto di siman.
Diaranson lo ta un dia hopi preta, ya cu nan lo bishita varios luga, uno di nan ta Corpo Guajira, e proyecto Ventanas Verdes, cual ta un proyecto cu lo resalta den e intercambio aki. Despues lo bay tin atencion cu Corporacion Vital, cu tin di haber cu produccion di fruta y berdura. E intencion ta pa e comercio pa asina tin e productonan aki pa haya nan na Aruba.
Diahuebs un dia di trabao cu comerciantenan, danki na Camara de Comercio cu a haci nan esfuerso pa hinca esaki den nan programa. Mayoria di e miembronan lo kier traha cu Aruba. Sin laga afo e artistanan, e grupo di artistanan cultural, cu tin un grupo hopi grandi na La Guajira, cual lo tin un seccion special diabierna.
Por ultimo, Sr. Clifford Rosa, di Fundacion Rancho a bisa cu diabierna nan lo tin un reunion cu e grupo di artistanan aki, unda den un contexto amplio, papia y yega na acuerdonan. Asina por cuminsa cu e proceso di intercambio cultural y comercial entre Aruba y La Guajira.