Fundacion Rancho ta celebra 9 aña di existencia cu diferente actividadnan

Centro di Actividad Rancho y Fundacion Rancho ta yegando un otro aña mas, celebrando 9 aña di existencia. Ta 9 aña di wak bek ariba diferente actividadan, diferente proyectonan. Tambe cosnan cu ta bin den diferente aspecto cu tin di haber cu educacion. Conservacion di historia y cultura di bario di Rancho.
Sr. Clifford Rosa, presidente di Fundacion Rancho, a sigui bisa cu, danki na Museo Arkeologico cu a habri na 2009 den Schelpstraat y pa tal ta celebra 10 aña cu nan ta den Schelpstraat. Y como bestuur activo y dinamico di Fundacion Rancho, a splica loke lo sosode dia 20 di april proximo.
Pa algun aña eskai ta e fecha oficial cu Fundacion Rancho a wordo institui y asina ey, tur aña mester recorda bek, riba e fecha aki, cual cu pronto lo bira algo grandi, unda cu por papia di Dia di Rancho. Esaki ta en bista cu pa Fundacion Rancho, ta diferente aspecto nan ta trahando ariba dje , cambia e parti di e bario di uno negativo cu e ta conoci pe, pero mirando e partinan positivo tambe, mirando locual cu Museo Arkeologico a bin ta haci, pa trece seccion informativo di historia y e fundacion tambe ta haciendo su parti. Pero hopi biaha e parti financiero ta pone cu nan no por haci hopi cos. P’esey desde 2008, desde cu nan a cumpli 8 aña di existencia, nan a papia tambe di con nan t abay drenta den e desaroyo economico rancho. Y awe nan ta yegando un punto culminante cu nan ta hayando hopi posibilidadnan di firma diferente MOU cu diferente instancia y sigur uno financiero cu lo yudanan pa drenta den e ramo di locual ta desaroyo economico rancho y kico esey lo nifica pa e desaroyo economico di Aruba.
Sr. Roza a splica cu dia 20 di april nan ta celebrando, henter e siman y e aña, pero e siman nan lo bini hunto un anochi y presenta e plannan nobo di 2019 -2020. Y na mes momento prepara pa un mini conferencia cu nan lo ta anunciando dia 24 di april pa 9 or di mainta, na e fruteria di Museo Arkeologico y cu diferente organisacion nan lo bay ta treciendo dilanto mas informacion educativo tocante e parti maritimo y marino. Pero tambe e parti cu tin di haber cu aereo y aeronautica/aerospace y diferente otro cosnan cu ta importante pa nos educacion general. Esaki sigur lo wordo haci dia 24 di april, unda pueblo, mandatario y demas invitadonan lo ta presenta pa mustra dos comision: uno maritimo/marino y un otro aereo. Y lo cera e luna di april dia 27 di april, unda cu conhuntamente cu Centro di bario Playa Pabao lo tin e acostumbrado hisamento di flie, cu como comision lo sigui contribui cu e actividad aki, cu ta uno grandi pa Playa Pabao, segun Sr. Clifford Rosa, di Fundacion Rancho.

Comments

comments