Desde 2010 Fundacion Rancho tin den su plan, pa por tin un Centro di Actividad RANCHO. Dia 30 September 2016 Fundacion Rancho tin e Apertura di esaki den Koningstraat 38 caminda cu ta invita henter pueblo di Rancho, Playa Pabao y Aruba henter pa bin y celebra e momento tan special aki. Tambe disfruta di un Expo hopi varia cu Arte, Musica, Poesia y mucho mas. Esaki ta cuminsa pa 5or di atardi y ta termina pa 9or di anochi. Centro di Actividad Rancho ta bira e luga unda cu lo bay ofrece e habitantenan di Rancho y di otro barionan e oportunidad di por wordo educa den tur aspecto cu tin di haber cu nos Patrimonio y Herencia Cultural Material y Inmaterial. Pa medio di Arte, Musica, Ofishi y mucho mas.Ultimo tempo aki, fundacion Rancho ta desaroyando su mes den diferente area di trabao y actividad. Manera esun di Rancho den Transformacion, fotografia, documentacion, exposicion, actividad di Boto Miniatura, paseo den Rancho y mucho mas.
Desde e apertura aki dia 30 di September, Fundacion Rancho ta bay cuminsa cu diferente proyecto pa recauda fondo. Esaki lo wordo haci den diferente manera, cu e Paseo den Rancho te na benta di articulonan di recuerdo traha localmente for di e Centro di Actividad Rancho. Kier ofrece nos bishitantenan local y for di exterior, un experencia unico. Pa mas informacion bay riba nan website http://www.stichtingrancho.org/apertura-centro-di-actividad-rancho/