Dia 31 di Augustus lo ta un dia importante pa e bario di Rancho pa cual Fundacion Rancho lo haya algun hanchi cu tin su historia cun’e segun Clifford Rosa, presidente di e fundacion. Nan ta preparando pa e inauguracion di e Hanchi di Kalki. E lo wordo inaugura diaranson atardi pa 6’or y mey y sigur ta pidi henter pueblo en general, particularmente habitantenan di Rancho pa bin presencia algo cu ta hopi grandi pa e fundacion. Mirando cu tin basta tempo trahando riba e hanchinan. Tin 4 hanchi, cual ta hanchi Kalki, Hanchi awa, Hanchi di piscado y Hanchi di construccion. Nan ta hayando hopi atencion danki na e proyecto Social di Cede Aruba, caminda cu a haya un suma pa por a traha cun’e y ta pidi danki tambe na Youth Coach kende ta Yinelly Quandt, kende a coordina full e proyecto, mirando cu el a haci diferente arte. A haci tambe diferente limpiesa y awor aki ta bezig den limpiesa pa e siman aki, cuminsando for di dialuna y pa diaranson, por tin e luga cla pa asina ey por inaugura e prome borchi cu ta “Hanchi di Kalki”. Hunto cu Fundacion Basha, cual nan ta bay tin na proyecto di Poetry Night den Rancho, cual ta algo unico y pa prome biaha cu ta bay haya un grupo di artista, ta bay trece nan poesianan y tambe declama. Sigur ta pidi un danki na Mo Mohammed, kende ta un di e motornan tras di e evento aki, kende tambe ta un persona cu a lanta den Rancho y ta contento pa contribui bek den su bario di Rancho, Rosa a splica.