E luna aki Aruba Doet lo tin su eventonan pa cual fundacion rancho a probecha esaki pa haya e ayudo pa hasi e hanchi di calki limpi pa cual aki sra Genely Quandt, boluntario di Stichting Rancho ta splica.
Nan lo haci esaki cu un studiante di Wastemanagement, for di Utrecht, Hulanda. El a bin specialmente pa esaki y e lo coordina e proyecto en general dia 10. Dia 11, studiantenan di Colegio Arubano lo yuda pa haci e centro di actividad limpi, duna un man cu verf y tambe lo tin mas boluntario cu lo yuda pa e limpiesa di Centro di Actividad Rancho.
Si tin mas boluntario, por pasa libremente dia 10 y 11 pa duna un man.
Segun Sra. Quandt, e hanchi calki ta un luga hopi fastioso pa motibo cu ta tur ora bay tin sushi benta eybao. Dia 10 nan lo parti saco di sushi rond den henter e bario y asina e habitantenan por bin tira nan sushi den e hanchi calki. Ta importante pa e habitantenan bin pa duna mas informacion tocante e bario.
Dia 10 di Maart, e proyecto lo cuminsa 8 or di mainta oficialmente. Lo bay tin 2 container cla si cualke hende kier trece nan sushi pa asina tir’e den e container cu lo tin disponibel.
Fundacion Rancho ta invita pueblo en general dia 18 di Maart, dia di Himno y Bandera pa bishita e Forno di Calki, cu lo ta habri pa tur hende, pa por wak paden y pafo. E lo ta habri di 10 or di mainta pa 6 or di atardi.
E actividad di dia 18 di maart lo ta un actividad di Fundacion Rancho so y e museo ta cera. Den e proyecto Aruba Doet, Fundacion Rancho lo haci e hanchi limpi.