Un biaha mas Fundacion Rancho lo bay bin cu un actividad, unda cu nan lo bay papia di un proyecto cu ya ta conoci caba cu ta Addopt an Alley (Adopta un Hanchi) y sigur esaki ta un otro hanchi cu lo wordo atendi cun’e. Esaki lo ta e hanchi di construccion. Den e cuater hanchinan cu lo pone atencion riba dje, e prome cual ta e hanchi di calki y asina ta sigui, segun Clifford Rosa, presidente di Fundacion Rancho. Mirando e construccionnan cu ta pasando den e bario, a dicidi pa sigui cu esun di hanchi di construccion. Mirando cu ta cerca di e centro di Actividad Rancho, a pone cu e proximo proyecto cu lo bay haci ta e hanchi di construccion.
Dia 18 di December ta dia Internacional di Migrante, caminda lo bay pone un luz den hanchi di construccion. E lo wordo ilumina e anochi aki, cu diferente obra recicla y tambe na e mesun momento ta bay tin pintamento di muraya. Ta un proyecto basta grandi cu lo bay tin diferente atencion. Sin laga afo ta trahando hunto tambe cu e calender di UNESCO y pa e motibo ey, e fecha di dia 18 di December ta un fecha hopi importante, caminda cu lo bay duna un tiki luz pa e dia Internacional di Migrante. Mirando cu esey tambe ta un aspecto cu nos por mira cu Rancho tambe ta un bario multiculural, cu tin diferente aspecto di diferente nacionalidad y ta un bon momento pa djis pone of para keto un rato y refleha riba e importancia tambe di e parti di migrante.
Tin un programa basta intensivo pa dia 18 di December, cual ta bay ta e culminacion di actividad cu Fundacion Rancho ta bezig ta haciendo y lo ta un honor pa por mustra cu Rancho tey, cu tur hende por bishita. Si mira e dia 18 di December, tin un programa cu por bisa cu ta henter dia te anochi y si bishita Museo Arquelogico, cu ta habri for di 10’or di mainta pa 2’or di merdia, por cuminsa cu un paseo, saliendo for di Museo, pasando den e hanchinan, sea cu ta hanchi di calki of di construccion pa yega te den Koningstraat. Lo tin diferente punto di atencion y sigur sin laga afo den Johan de Witstraat caminda cu tin e parti di cuminda, cu ta bay wordo ofreci pa Mofongo Restaurant, cual ta un di e luganan cu ta duna un realse, mirando cu e ta den un punto central y ta den e paseo. E dia ey sigur cu e pisca, cu ta custumber como un plato tradicional tambe di Rancho, cu bo por bay saborea for di merdia 12’or caba, cuminda tradicional, caminda cu lo bay tin pisca, cuminda costero, mirando ya caba cu cuminda tradicional ta conoci, pero aki por mira e combinacion tambe di diferente cultura cu tin den e bario cu sigur lo bay resalta den e plato tambe.