Awe riba dia di Betico, un biaha mas na Fundacion Rancho, a duna comunidad e siñansa di nos herencia, caminda cu e fundacion t’ey pa ofrece un caminata den e bario, pero tambe cuminda crioyo, cuminda tipico manera pan bati cu diferente cos dushi, sopi aw’i Playa. Pero tambe varios museo habri. E area di Oranjestad pa bishita. Awe tabata un logro hopi grandi p’e area di Oranjestad, Rancho pa bisa.
Segun Clifford Rosa, presidente di Fundacion Rancho, ta papiando aki di 200 aña di Oranjestad y sin e colaboracion haya, no por sigui traha riba e 200 aña di Oranjestad.
Awe, dia 25 di januari, tin un minimuseo den Rancho, situa den Ranchostraat 12 y 14. Esey lo duna un bida diferente of un mira diferente riba e proceso cu ta haciendo pa conserva nos herencia y di un manera con pa traspasa informacion pa nos generacionnan cu ta bin.
PROYECTO PENDIENTE
Pa loke ta e proyectonan, eseynan ta pendiente, pasobra e fondonan no ta yega. Como fundacion, ta pidi pa fondo y sin fondo no por haci mucho cos. Pa celebracion di 200 aña, e investigacionnan, tur loke mester sosode, mester di fondo pa haci nan.
DIA DI HIMNO Y BANDERA
Pa dia 18 di Maart, Fundacion Rancho lo bay tin careda di boto miniatura. P’esey ta aim tambe p’asina tin mas boto cu ta bay wordo traha, cual ta boto crioyo, p’asina tin un categoria di careda di boto miniatura crioyo, p’asina ey conserva esey tambe.
