Director di Parke Nacional Arikok, Sr. Roland de Cuba, desde cu el a asumi e rienda di e fundacion dia 1 di mei 2019, el a reuni na varios ocasion cu SEPPA ariba varios punto. E ta amplia mas.
E puntonan ta e waren ariba derecho di empleadonan, nan derecho salarial, reglamente di trabou y e di tres ta e contrato colectivo cu e empleadonan tin varios ana ta wardando ariba dje. E tres puntonan aki ta hopi importante y ta su deseo ta pa termina esaki y yega na un bon acuerdo cu e tres puntonan aki. Tin un desacuerdo entre SEPPA riba e derecho di trahadonan, un grupo di seis persona y e punto aki tabata e motibo pa cual e trahadonan a welga dialuna ultimo.
A tuma contacto cu mediador di gobierno Sr. Anselmo Pontilius pa sinta na mesa y e reunion a bay den hopi bon esfera. E siman cu ta bin aki lo bay revisa e cuestion di derecho hunto cu mediador di gobierno y tambe tin afspraak dia 20 pa cuminsa papia riba reglamento di trabou.
Sr. de Cuba su deseo ta pa yega na bon acuerdo, caba cu e trayecto di reglamento y di CAO na un manera lihe, husto y responsabel. Asina por sigui traha na un manera structura.
Lo bay haci tur lo posibel pa yega na un solucion faborael, ya cu e trahadonan a warda demasiado largo pa un CAO. Tin motiboann pa cual esaki a wordo para hopi biaha, pero awo cu tin un directiva full time, un Management Team lo bay traha duro pa yega na un bon acuerdo, cual Sr. de Cuba tin confiansa den esaki.
E managernan di Fundacion Parke Nacional ta responsabel pa tur cos cana bon den parke aworaki. Nan ta trahando ariba educacion y conscientisacion di nos naturalesa.
Meta ta pa yega un parke unda cu bishitantenan por desaroya su mes na un manera mucho mas sostenibel cu ta pasando aworaki.