Recientemente a lanta un fundacion dedica na tata di nos cultura, Sr. Juan Chabaya (Padu) Lampe. E fundacionan aki a wordo lanta pa duna nos tata di cultura su atencion mereci pa cual aki Sra. Vivian Lampe, yiu muhe di Padu Lampe ta splica mas di e fundacion y cual ta e meta di e fundacion Padu Lampe.
Fundacion Padu Lampe y nan ta hustamente ariba esey, y a haci un inventarisacion di tur material di Padu, su musica, su pinturanan, su esculturanan. Sr. padu Lampe ta un persona multifacetico. E ta compone, e ta pinta y e ta skirbi, y e fundacion ta digitalisando tur su casettenan. Tin cahanan cu 500 cassette. Tin hopi cos cu nunca a wordo skirbi y esey ta e proceso.
Sra. Lampe ta haci un apelacion na cualke musico profesional, cu por duna un man, pa asina yuda digitalisa, sigur por tuma contact cu fundacion Padu. E ta un fundacion na su honor.
Personanan encarga cu e fundacion, su directiva ta consisti di su presidente, Sra. Landa Henriquez, Sra. Aice van Romondt, vice presidente. Tin Robert Giel como tesorero, pero tin mas persona cu ta encarga cu e gestionnan diario di e fundacion. Sra. Vivian Lampe ta un miembro di e fundacion.