Un di e retonan mas grandi pa educadonan, sea na scol regular pero particularmente na centronan di cuido, ta anda cu muchanan cu ta rekeri atencion special. Autismo of e sindrome di Autism Spectrum Disorder, ASD ta un di nan.
Aunke no tin cifra oficial di cuanto mucha/persona na Aruba ta afecta pa ASD, un estudio di prevalencia riba ASD na Aruba ta indica cu nos pais ta cumpli cu e perfil internacional. Esaki ta implica cu Aruba por conta cu un porciento di su populacion afecta pa ASD.
Centronan di cuido ta e ambiente ideal pa reconoce e sintomanan y tambe ofrece e prome intervencion cu semper ta yuda. Sinembargo, tur cuidado di mucha mester sa kico pa observa y con pa actua cu ada mucha, mirando cu ningun caso di ASD ta igual cu e otro. E bon noticia ta cu tin strategianan cu por uza y aplica cu ta yuda.
Tur esnan cu ta traha cu mucha directamente ta confronta un caso di ASD. Pesey mes, Fundacion pa Nos Muchanan conhuntamente cu Fundacion Autismo Aruba ta organiza un tayer ‘Compronde Autismo’ pa eleva conocemento riba e tema.
Lo trata e topiconan manera ‘Con pa traha cu mucha cu Autismo den grupo; Compronde Autismo; Con pa traha cu ‘pictogram’; comunicacion visual; con pa observa mucha cu tin ASD; lenguahe y comportacion social.
E tayer aki ta programa pa dia 5 di November na e Centro di Kiwanis Club of Palm Beach, situa den Neptali Henriquez Park.
Fecha: Diasabra 5 di November 2016
Orario: 9.00am-1.00pm
Luga: Oficina Kiwanis Club of Palm Beach na Neptali Henriquez Park
Costo di participacion: Awg. 25,00 y ta inlcui un lunch chikito
Cuponan ta limita
Pa mas informacion, tuma contacto cu nos na: 588-1179 of 588-0856 of pasa serca nos na: Cumana #2 (Fundacion Pa Nos Muchanan)/Lasalle straat 41-A (Fundacion Autismo Aruba)