Magaly Maduro di Fundacion pa Hende Muhe den Dificultad, a comenta cu lo bay ta basta activo cu actividadnan pa por haya fondo y educa nos comunidad.
E ta splica di e actividadnan cu lo tin dia 25 di November, pa dia 10 di December, unda cu ta pidi pa henter pueblo di Aruba coopera pa bin na e actividadnan sostene e causa, cual ta e lucha contra violencia en general, contra hende muhe y tambe mucha muhenan.
Den e caso di e fundacion, ta traha tur dia contra violencia contra e ser femenino den su cas. Den e dianan cu ta bay bin ta bay papia riba violencia en general contra hende muhe y contra mucha muhe. Pasobra lamentablemente na aña 2016 ainda e fundacion ta haya nan mes confronta tur dia violencia contra ser femenino, sin importa edad. Tin casonan di muchanan cu ta baby te cu señoranan cu edad hopi halto. Ta experencia violencia verbal tur dia, ta experencia violencia fisico tur dia, segun sra. Magaly Maduro.