Frances Figaroa ta secretaria di Fundacion Movimento ta Bida. Nan ta un fundacion cu no ta wordo subsidia door di Gobierno. Tin cu recauda e fondonan cu fundraising, haci actividadnan manera uno di ayera. Tabata tin un actividad internacional di actividadnan fisico.
Awe ta haci un actividad pa e 60+ers. Su participantenan di diferente bario tabata den Tropicana Casino, unda a haya e oportunidad cu por a brinda un mainta placentero na e 60plussers. A cera e ciclo di tres luna, unda nan por a participa den actividadnan fisico y awe a haya e oportunidad di e herencia cu ta gradici inmensamente gerencia di Tropicana Casino, c a duna e oportunidad aki. E grandinan ta participa awe den un bingo special organisa pa nan. Bao di musica tambe di sr. Francis Jacobs, kende ta deleita nan cu poco musica bon cayente. Nan a balia tambe den e casino. Ta contento cu por a haci esaki. A organis’e pa e barionan di Tanki Leendert, e bario di Dakota cu ta gruponan grandi. Na Tanki Leendert tin 51 persona registra cu ta asisti na e actividadnan cultural dos biaha pa siman. Na Dakota nan tin 47 hende registra cu ta bin regularmente na e actividadnan, tambe dos biaha pa siman y a cuminsa e aña aki na Club Estrella, unda cu tin 30 hende registra.
Ta promove esaki, pasobra ora bira grandi no keda sinta riba stoel, sino haci movecion, haci actividad. E limitacionnan nos tur ta hay’e riba un tal edad, pero nos mester keda move. Esey ta haci cu nos por tene nos condicion tambe bon. Tambe pa nos come saludabel y tin un calidad di bida mas miho. Esey ta promove den tur actividad, Figaroa a splica. Awe a cera e ciclo pa Tanki Leendert, Santa Cruz y tambe pa e grupo di Dakota. Fuera di esey tin otro barionan unda tambe ta activo den Piedra Plat, ta na Noord activo, pero eynan a haci solamente actividadnan fisico. No ta haci e parti social. Nan ta welcome ora organisa tipo di actividadnan manera e Bingo den Tropicana Casino.