Umpire nan di Little League Baseball a haya un set di carson nobo y ta cla pa sigui contribui na e baseball di Aruba.
Diadomingo atardi na residencia di Sr. Mito van der Biezen nos umpirenan di baseball Little League a reuni un rato pa un momento masha special. Ta asina cu Lotto a yuda pa nos umpirenan haya un set di carson nobo pa asina nan por ta completamente uniforma ora di e weganan baseball local. E parti di shirt ya tabata regla pero a falta e carson. Mesora ora a pone Lotto na haltura a dicidi di contribui cu nos umpirenan local. Esaki a sosode despues di 20 aña manera Sr. Nel Franken, presidente di e Umpire nan, a splica na tur esunnan presente. Manera a wordo bisa na 135 wega di baseball nos umpirenan a asisti e anja aki y tur a continua sin wordo para, tur umpire a coopera den gran forma na bienestar di nos hoben peloteronan. E umpirenan presente a keda masha satisfecho cu e bunita gesto aki y sa na aprecia esaki masha hopi mes. Ta spera cu por haya mas cooperacion di e forma aki den futuro paso sin umpire ta dificil pa e wega di baseball continua.
Presente na e ocasion aki nos por a mira DA di Aruba Little League sr. Rhudy Donata como tambe Sr. Di Stefano Wernet y Sr. Elias Kock di Stichting Fundacion Lotto pa Deporte y e crew di Umpirenan di baseball na Aruba. Lotto cu curason pa Deporte na bienestar general.