Lisette Gomes, presidente di Fundacion Lisette Gomes contra abuso sexual di Mucha, a duna detaye di un manifestacion cu lo bay tuma luga diamars awo, dia 21 di Februari.
Na April 2016, a tene un manifiesto y a bay Parlamento pa entrega manifiesto como tambe na Ministernan y lamentablemente awe ta para na promesanan atrobe cu cambionan ta bay bin, pero esaki no ta e caso, segun Gomes.
A haya hopi mas caso cu a drenta cu no a bay over pa papia riba nan pasobra hopi di nan ta prefera di keda cu nan miedo pa e mucha wordo exponi.
Tin hopi caso cu ta yega na Ministerio Publico y no ta bay corte y pa esaki lo entrega un manifiesto dia 21 di Februari, manera menciona. Lo topa 2’or y mey di atardi pafo di Ministerio Publico y pa asina pa 3’or, no a haya confirma, PG mes lo tey presente e dia aki, pa asina entrega nan mal contento riba castigonan abao cu fiscalnan ta pidi, pero tambe como casonan cu no ta yega corte di cual nan tin pruebanan suficiente. Pruebanan medico, pa asina por persigui e criminal den e caso aki. Kier invita pueblo en eneral bin yuda uni na e lucha aki dia 21 di Februari, diamars awo, 2’or y mey di atardi. Ta pidi tur hende pa bay bisti na preto. Esaki ta pasobra Aruba ta di luto ya pa añanan largo caba. Pa motibo cu no ta hayando e atencion debido na Abuso sexual di mucha na Aruba, segun Gomes.
Tambe esnan cu a uni na e manifestacion na April, ta pidi nan si nan tin nan T-shirt ainda di stop abuso sexual di mucha pa asina nan por bisti esaki y bin na e manifiesto. Bo por trece bo borchi cu bo mensahenan pa asina pone un mensahe bon cla na ministerio publico, na fiscalnan, cu no ta acepta e castigonan asina abao cu nan ta pidiendo pa e crimen grave aki.