Fundacion Lanta Papiamento ta preparando pa un evento diasabra awo, dia 11 di Maart. Segun Rosalinda Williams, e lesado ta bay les e texto den su totalidad na un forma trankil, bon entona y cu voz halto. Siguiente, despues e ta lesa e frase na pida pida, dunando e participante chens pa skirbi trankil. Ora cu e caba di lesa e frase na pida pida, ta lesa un biaha mas den su totalidad y despues ta tene un pauze chikito, pa sigui cu e siguiente frase. Esaki ta e forma cu e dictado ta bay tuma luga.
Consecuentemente tin cu inscribi si pa participa. Williams ta encurasha tur hende, di 12 aña bay ariba, tuma e chens, inscribi via email [email protected]. Bisa tur hende, forma un famia, bin hunto, bay haci e dictado aki uno grandi y corda, papiamento di nos e ta.
Tin dos categoria, di 12 pa 15 aña y 16 aña bay ariba.
E mesun anochi ta haya sa e resultado di e dictado. E dictado, mescos na Hulanda, y hopi pais cu tin’e. E biahe aki ta 10 frase, cual ta bay wordo lesa den voz halto y cada participante ta bay skirbi esaki.
E meta di esaki ta pa yuda informa pueblo con pa skirbi Papiamento corectamente y ta algo gratis. Bo ta bay skirbi segun b’a scucha, b’a skirbi. Nan ta bay coregi. Ta bay haya esaki bek na final y bo ta wak unda bo foutnan tabata.