Fundacion Educacion Coniente ta spera mas expo educativo pa mayornan

Sharline Geerman Rodriguesz di FECA, Fundacion Educacion Conciente durante un entrevista den e Expo di SKOA, a comenta cu nan ta un fundacion cu a recientemente a lanta y ta duna informacion, guia, sosten y training tocante e metodo di e disciplina conciente. Educacion dimes ta importante pa e futuro di e muchanan pa mayan pero hopi biaha nos ta enfoca riba e parti di siñamento, lesa, som pero e parti social emocional tambe ta hopi importante y esaki ta loke e programa disciplina conciente ta brinda. E ta un metodo cu ta yuda e muchanan conoce nan sentimiento, emocion y maneha esaki na un manera cu nan por tuma desicion sabi.

Sra Sharline a menciona cu nan ta contento cu e expo di skoa unda bo ta informa mayornan y ta spera cu por mira mas di e exponan aki mas biaha y cu tur otro organisacion cu ta representa scolnan por haci esaki tambe, hopi biaha bo ta tende di e scolnan pasobra nos bisiña a bay pasobra nan conoce e scol pero e informacion real di cada scol bo no tine, y aki ta un momento cu bo ta haya como un oportunidad como mayor pa wak den e scolnan y busca informacion y scoge e miho scol pa bo yiu.

Comments

comments