Diasabra dia 5 di april Sr. Gregor Dijkhoff di Fundacion Curso di Papiamento Dijkhoff (nomber oficial: Stichting Dijkhoff Papiamento Cursussen) a haci un bishita di cortesia na BNA riba invitacion di Presidente di Fundacion Corector di Papiamento (FCP), Sra. Glenda Reiziger. Esaki tabata net durante e les special duna pa Sr. Ramon Todd Dandaré, Mag. Ling., na e cursistanan di e curso Dominio di Idioma di FCP. Sr. Dijkhoff di biaha a haci uzo di e oportunidad pa regala FCP e ultimo edicion di e diccionario di Papiaments-Nederlands, Nederlands- Papiaments di su tata defunto drs. Mario Dijkhoff, cu tambe tabata un di e docentenan di e curso Corector di Papiamento. FCP a aprecia esaki masha. Alabes a delibera tocante e posibilidad pa un cooperacion pa e Corectornan por revisa y adapta diferente buki existente di su tata na e ortografia oficial di Aruba.
Gregor Dijkhoff ta dispuesto pa colabora riba mas proyecto cu ta promove Papiamento y cu kier hiba nos idioma padilanti. Por tuma contacto libremente via www.dijkhoff-talen.nl
Social media: @dijkhofftalen y @papiamentodictionary
Telefon/WhatsApp: 0031623509193 E-Mail: [email protected]
Gregor Dijkhoff
Trainer Papiamento,
Stichting Dijkhoff Papiamento Cursussen na Hulanda
