Na cas di cultura tabata tin e conferencia di Fundacion CCCA Crea Conserva Cultura y Arte di Aruba. Mener Ferdinand Franca, Docente di CKV, representante di Fundacion CCCA, autor y director di ‘Mi ta un Artista’ a hiba palabra unda el a expresa di ta contento di por a traha cohuntamente cu Cas di Cultura pa lo cual ta trata e exitoso evento di Capuchon Cora, unda tres scol cu e proyecto piloto a presenta, e Scol caiquetio, Scol Basico Xander Bogaerts y Colegio Sagrado Corazon, caminata nan a duna curpa y alma pa duna un tremendo presentacion.
Pa lo cual ta trata e musical “Mi ta un Artista” cu tabata plania pa siman pasa a wordo posponi ya cu e actornan kier a tuma un poco mas di tempo pa duna un tremendo presentacion ya cu nan kier bin cu un miho show cu e aña anterior. E presentacion lo tuma lugar riba 1 y 2 September 2023.
Lanta bek e arte y cultura na San Nicolas
E siguente Proyecto lo cuminsa dia 12 Jun 2023 cu Fundacion CCCA y cohuntamente cu Scol di Arte na San Nicolas, lo habri inscripcion na tur persona cu ta interesa riba arte y tin talento. Nan meta ta pa lanta bek e arte y cultura na San Nicolas y e les nan lo ta completamente gratis cu e fin di lanta mas grupo di baile y teatro ya cu tin hopi mucha, hoben y adulto cu tin talento y cu por desaroya esaki.