Fundacion Bernadina Growell-Kock cu actividad diadomingo awo

0

Diadomingo awor dia 9 di december Fundacion Bernadina Growell-Kock ta organisa un actividad pa recauda fondo pa sigui cu nan trabounan. Lo bende snackbox na cas di Bernadina situa na Brazil 43 pariba di misa. Pueblo por bishita e cas di e difunta y admira tur loke tin den e cas.
Fundacion Bernadina Growell a organisa ya caba diferente actividad pa recorda y pa informa nos pueblo encuanto bida y logronan di nos inolvidable Mama di Cultura. A organisa 6 festival di canto, a inaugura Caya Bernadina Growell-Kock, a traha un relieve cu a ser coloca na Paseo Herencia, ta participa na paradanan cultural den bario di Brazil y riba boulevard. Ta preparando un publicacion encuanto bida di e difunta, ta manteniendo y drechando cas di e difunta. Pueblo en general ta ser invita pa bin Brazil y mira cu propio wowo tur loke nos querida Mama di Cultura a laga atras como herencia cultural y na mes un momento aporta na un bon causa.

Comments

comments