Den cuadro di dia mundial di autismo 2 di April lo bay tin un caminata pa e fundacion por haya fondo pa cual aki Sra Thaise Erasmus ta splica.
E aña aki, Fundacion Autismo a dicidi di acerca e grupo di coredo di Pricemart cu ta organisando un careda dia 2 di April, cu ta Dia Mundial di Autismo y a dicidi di join nan y asina crea conscientisacion. Pero alabes nan lo yuda e organisacion pa recauda fondo. Esaki no ta solamente pa Fundacion Autismo, pero tambe e.o. pa Koningin Wilhelmina Fonds. Mas di un organisacion lo profita di e caredanan, pero riba Dia Mundial di Autismo. E careda lo tuma luga dia 2 di April, mainta, e ta di 15 km saliendo for di Joe Laveist Sport Park pa Pricemart y esun di 7 km ta cuminsa na Veld di Pos Chikito e ta caba na Pricemart.
Inscripcion ta na Ibisa y tambe nan por inscribi na Pricemart mes. Inscripcion pa miembronan di Pricemart ta Fls. 20,- y no miembro ta Fls. 25,-. E placa aki ta profita mas di un instancia, incluyendo Fundacion Autismo.
Hopi mayornan ta saliendo pa informacion y atrobe, e no ta un taboe mas pero nan ta echt bin pa informacion. Desde cu a bin cu tayer pa mayor, e fundacion a ricibi hopi yama da di mayornan cu ta den sospecho y tambe di scolnan. E aceptacion pa nan mes y pa nan yiunan ta hopi bon mes.
E fundacion ta sumamente contento cu apoyo di Omar Steve Lejuez cu nan por haci uzo di e curazon y hunto cu Print Media, pa asina pone e sticker di stima un autista cu ta marca e dia mundial cual ta 2 di April. Pa diasabra lo haci e light up blue, hunto cu High Performacne cu tambe ta apoya e fundacion ya pa algun aña caba, segun Sra. Erasmus di Fundacion Autismo a finalisa bisando.