Claudia Vasquez di fundacion arte sano ta splica cu pa nan como artista di arte sostene Fundacion Rancho ta uno importante.
Vasquez ta fundador y presidente di Fundacion Artesano. Nan tin un colaboracion oficial cu Fundacion Rancho y ta haciendo esaki pa varios aña. Nan ta extremadamente contento pa haci esaki. Nan tin e mesun amor pa e hendenan di Aruba. Nan tin e amor pa Rancho cu e comprondemento cu ta e prome centro economico di Aruba. Nan ta honra pa ta parti di e colaboracion aki.
E fundacion tey pa 5 aña caba y ta brinda entrenamento na esnan den riesgo. Cuminsando cu adictonan ambulante, nan tin hobennan cera den KIA, tin esnan den rehab y ta trahando tambe cu esnan bao di curatela. Nan vision ta pa traha cu un bon team, siñando habilidadnan vocacional. Nan ta trahando pa mas cu dos aña. Tambe a traha den prizon. Nan tin un curiculo cu ta basa riba nan herencia cultural y natural di Aruba. Tur cos ta bao di compas. E idea ta pa duna un di dos oportunidad na hende. Rehabilita hende atrabes di entrenamento vocacional y door cu e ta artistico ta cu hende ta haya terapia di dje. E meta ta pa duna hende e capacidad pa traha productonan den futuro cu por bende na turista. Esey ta e vision. Y debi cu nan ta trahando pa asina largo, nan tin varios graduado. Vasquez a splica cu e ta restringi di uza e palabra choller, pasobra ta hende cu tin mester di dignidad y ta resona esey tur caminda y p’e nan ta studiante. Loke nan ta haci ta, door cu tin tur e añanan aki trahando, tin un grupo di hende cu por traha y kier keda conecta, nan gusta pinta, cose y haci cosnan creativo. E fundacion ta hopi entusiasma den su colaboracion cu Rancho y ta contento cu nan ta parti di Stichting Rancho. Nan lo bay tin un exhibicion chikito di loke nan ta haciendo. Mester di hende pa compronde cu tur hende tin mester di un di dos oportunidad. Nos mester dignifica e di dos oportunidad. Esey ta loke cu Fundacion Artesano ta haci.