Fundacion Anti Droga Aruba awo tin un oficina tambe na San Nicolas, na Centro Santa Theresita. Sra. Rutline Arends ta amplia mas ariba esaki.
Nan ta bay t’ey tur dialuna, diaranson y diabierna parti atardi, for di 2 or y 30 pa 4 or y 30. Segun Sra. Arends, FADA ta traha cu cita tambe. Esaki ta pa si encaso tin un hende cu lo kier bin un otro dia, nan por traha un cita y e representante di FADA lo bin sigur pa atende cu e cliente.
E siman aki nan ta cuminsa oficialmente cu nan oficina di San Nicola.s Nan tin programanan diferente cu loke FADA ta custumbra di haci. Nan tin un kibra siman, specialmente pa e muchanan. Nan ta focus ariba muchanan di vijfde y zesde klas, mescos cu e hende grandinan ta haci. Nan tin coctails sin alcohol, jello shots sin alcohol, pop corn. Esaki ta pa nan sintinan mes un tiki mas cerca di FADA, cera conoci cu e trahadonan di FADA.
Meta principal di e oficina aki, segun Sra. Arends ta splica ta pa nan ta un tiki mas cerca di e comunidad di San Nicolas, tin hopi scol pariba di brug cu e mcuhanan por yega mas cerca di nan, mayornan, docentenan por yega mas cerca di nan.
FADA tin hopi plannan pa e oficina na San Nicolas. A cuminsa cu e actividad di kibra siman. Nan lo haci anochinan informativo, segun Sra. Ruthline Arends ta bisa, dus plan nan tin sigur.