Sr. Guilfred Besaril, como Minister Plenipotenciario na Hulanda ta splica riba e caso di Sra. Desiree Sousa Croes kier bay Corte ta su derecho pa haci esaki.
Den e caso aki, tin un diferencia di opinion, den e sentido di cu, den vision di gobierno, e posicion di director di Arubahuis, ta un nombracion politico. Mientras cu den vision di Sra. Croes, el a haya un Landsbesluit tempo cu el a wordo nombra como directora, como ambtenaar.
Sra. Croes a haya un carta, mescos cu tur otro parlamentario cu den pasado tabata ambtenaar, nan mester presenta segun un fecha. Y si nan no presenta, conforme e fecha, e ora ta como sifuera cu nan a nenga e trabao cu nan tabata tin.
Den su vision, e ta wak e nombracion e ta wak cu e ta set como directora di Arubahuis. Y si Sra. Croes- Sousa kier cana su caminda legal, huridico, esey ta su derecho. Pero gobierno ta keda para ariba cu e nombracion aki ta uno politico, pa motibo cu e ta di un asignatura. Y ora cu e asignatura aki no t’ey mas, bo no por keda eynan mas.
Pa colmo e ta un funcion di confiansa. Y esey ta e caso di Sra. Croes- Souza. Si e kier bin Aruba pa bringa su caso, e por haci esaki libremente. Pero el a wordo bisa caba, cu e mester meld aki na Aruba y si e no haci esaki, hasta su status di Ambtenaar e ta perde, segun Sr. Guilfred Besaril, Minister Plenipotenciario na Hulanda.