Funari ta un organisacion sin fin di lucro cu ta yuda personanan cu discapacidad fisico pa no keda isola na cas, sino pa participa den comunidad dor di diferente actividadnan afo di e centro y tambe na e centro di Funari na Savaneta siña abilidadnan nobo haciendo obra di man. FUNARI ta preparando un bazaar pa fin di luna.
Pasadia Briyo di Solo ta atende cu e clientenan cu deficiencia mental. Aki e clientenan ta pasa nan dia na e scol, siñando tur dia di nobo con pa yuda nan mes por medio di actividadnan di bida diario. Tambe nan tin un snoezelruimte cual ta diseña specialmente pa nan por relaha nan mes. Pasadia Briyo di Solo ta preparando un bazaar pa comienso di luna di december.
Kier conoce mas di e dos organisacionnan aki, sintonisa Acceso Total ariba canal 23 diaranson 7:00 PM y ariba Facebook page di VIP Radio.