Temporada di Pasco ta acercando y nos ta preparando tambe pa tur e actividadnan di fin di aña. Funari cu ta e fundacion cu ta trata cu persona nan cu limitacion fisico tambe tin nan bazaar.
Esaki ta bay tuma luga diadomingo 27 di november 2022 cuminsando for di 4or di atardi cu bar y cushina bon surti y sigur loke no por keda afo nan acostumbrado obra nan di man di Pasco traha di material nan recicla.
Ban duna sosten na e persona cu limitacion fisico cu ta sigui desaroya nan habilidadnan creativo y motorico dor di traha decoracionnan bunita pa nos por tin den nos hogar den temporada di fin di aña.
Contribuyendo cu e bazaar aki bo ta duna sosten na FUNARI kende nan ta busca y hiba e cliente nan cas tur dia , pa saca nan di cas pa pasa nan dia combersando cu otro, hunga domino y siña cosnan nobo tur dia.
