Durante di e ultimo lunanan Aruba a participa masalmente na Fun Dominoes, e campaña di fin di aña di Fun Miles a regala miles di premio, entre nan un Ford Figo 2019 di Yrausquin. Despues cu hopi a gana premionan instantaneo durante di e campaña, Fun Miles a anuncia e ganadonan di e premionan grandi. E premio mayor, e Ford Figo 2019 a wordo gana dor di señor Omar Henriquez. Fun Miles ta desea Omar momentonan alegre cu su auto nobo. Ademas, e ta ricibi su seguro tercera parti pa 1 aña di ENNIA. Fun Miles ta felicita tur otro ganado den e campaña cu nan premio.
Aruba a biba cu Fun Dominoes
E campaña Fun Dominoes a keda lansa na october y a encera carchinan cu a duna chens di gana premio instantaneo y tambe premionan grandi. Pa gana e premionan grandi, mester a pega e piedranan di domino corectamente riba un borchi di wega teniendo cuenta cu reglanan oficial di domino. Esaki a haci cu miembronan a cuminsa busca e carchinan cu bastante fervor, resultando den un escasez cerca diferente partner den luna di december. Consecuentemente a organisa dos dia special na unda por a intercambia e piedranan di domino cu otro miembronan y kisas haya net esun cu tawata falta. Ultimo dia cu por a deposita e borchinan di wega tawata 31 di januari, cu tawata un locura total na oficina di Fun Miles.
Por a gana diferente premio grandi
Ademas di un Ford Figo 2019 incluyendo seguro tercera parti pa 1 aña di ENNIA, por a gana 20.000 Fun Miles (5x), diferente bon di regalo –te cu f 1.500 di CITGO, Kooyman y TUI Aruba. Entretanto Fun Miles a tuma contacto cu tur ganado. Bishita funmiles.net pa un lista completo di tur e ganadonan.
Fun Miles ta cla pa celebra su 15 aniversario
Danki Aruba pa haci e campaña aki un exito rotundo! Fun Miles ta compromete su mes pa un 2019 carga cu cos bon so. Esaki ta e aña den cual Fun Miles lo ta celebrando su 15 aniversario na Aruba. Lo ‘treat’ e isla cu tur tipo di promocion, evento y campaña. Esey ta nifica cu lo tin hopi premio mas! Si bo no kier perde e ‘fun’ sigui nos riba social media, bishita funmiles.net of download e App di Fun Miles.
Mas informacion tocante Fun Miles?
Tuma contacto cu Customer Service na number 588 9947, bishita funmiles.net of facebook.com/funmilesaruba.