Diadomingo, 5 di Mei, 2019 ta dia grandi na Cruz Cora Aruba…ta celebra hunto cu henter Aruba e fecha importante di 8 di Mei cu ta Dia Internacional di Cruz Cora. Pa celebra e dia aki hunto cu henter Aruba, Cruz Cora ta organiza un FUN FAIR Diadomingo, 5 di Mei di 10’or di mainta pa 4’or di atardi cu varios actividad. Un di nan ta un Mercado di Mucha, unda muchanan entre 6 y 26 aña por bin setup nan tienda y bende nan cosnan usa y asina otro muchanan pa por cumpra y sigui disfruta di nan. Pesey Cruz Cora kier haci un yamada na tur mucha entre 6 y 16 aña! Invitacion pa join e Mercado di Mucha! Muchanan cu kier bin bende nan cosnan di hunga, buki, obra di man, puzzels, spelletjes etc por haci esaki na nos mercado di mucha. Esaki ta pa nan mesun spaarpot! Registra na tel. 582-2219. Trece bo mesa/stoel/laken pa vloer. Mester bin cu un adulto. Edad 6 – 16 aña. Tambe e dia aki lo tin un Fesitval di Bolo, Charity Bazaar, Tours di Cruz Cora pa Jeugd Rode Kruis, muchanan por hunga den nos “Huki Alegria” speeltuin, cushina y bar lo ta bon surti. Tambe por haci control di presion y sucu. Ta keda Cruz Cora Aruba pa invita henter Aruba pa bin pasa un dia feliz na e Fun Fair cu e ta organizando cu hopi animo pa celebra hunto Dia Internacional di Cruz Cora!