Gana un Ford Figo nobis nobis, 5 x 20.000 Fun Miles, diferente cadeaubon, y miles di premio mas. Tur esaki cu Fun Dominoes, e campaña sensacional pa e fin di aña aki di Fun Miles! Miembronan ta keda premia cu carchinan di Fun Dominoes ora cu nan cumpra cerca e diferente companianan participante. Parti dilanti di e carchi tin un area pa raspa cu cual e miembro por gana diferente premio instantaneo. Parti patras, tin ilustracion di un piedra di domino. Esun cu pega 10 piedra corectamente riba e borchi di wega di Fun Dominoes tin chance di gana e premionan grandi di e campaña. E campaña ta vigente te cu 31 di januari 2019. E reglanan di campaña y un lista completo di tur e premionan cu por wordo gana ta riba funmiles.net/fundominoes.
Asina facil: premionan instantaneo
Esun cu cumpra na un compania participante y swipe su carchi di Fun Miles, ta ricibi un of mas carchi di Fun Dominoes. E montante pa cual bo ta ricibi un carchi di Fun Dominoes ta varia cerca cada compania participante. Ora cu bo raspa parti dilanti di e carchi bo tin chance di gana un di e miles di premionan instantaneo, for di dobel of tripel Fun Miles te na co’i hunga gratis na Top 1 Toys y for di un cadeaubon di $100 na Aldo Shoes te cu un ‘Noorse zalm’ gratis na Bersah Aruba.
Match e piedranan di domino riba e Fun Dominoes pa e premionan grandi!
Esunnan cu kier ta den wega pa e premio mayor, e Ford Figo, of un di e otro premionan grandi, mester match por lo menos 10 piedra di domino corectamente. Por haña e piedranan parti patras di e carchi di Fun Dominoes. Plak e piedranan riba e borchi di wega di Fun Dominoes y cla ta! Por busca e borchinan di wega gratis na companianan participante y na oficina di Fun Miles. Reglanan standard di domino ta aplicabel: number mester match y bo promer piedra mester ta dobel seis. Ora cu completa e wega, mester deposita esaki promer cu dia 1 di februari 2019 den e buzonnan special na Kooyman, CITGO Essoville & Sta. Cruz, of na oficina di Fun Miles na Sun Plaza (unit 106). Lo saca e ganador den promer siman di februari 2019.
Premionan espectacular
Ademas di un Ford Figo 2019, color ‘smoke’ di Yrausquin incluyendo seguro tercera parti pa 1 aña di ENNIA, tin hopi otro premio grandi mas cu bo por wordo gana, manera 5 x 20.000 Fun Miles di ENNIA, 5 bon di gasolin na CITGO na balor di 500 florin, 3 cadeaubon di Kooyman na balor di 500 florin, y un travel voucher di 1.500 florin na TUI.
Mas informacion tocante Fun Miles?
Tuma contacto cu Customer Service na number 588 9947 of bishita funmiles.net of facebook.com/funmiles.
Patrocinador mayor na Aruba:
Yrausquin, Kooyman y McDonald’s.
Companianan participante na Aruba:
Aldo Shoes, Aldo Travel, Bersah Aruba, Botica di Servicio, Bruna, Café the Plaza, CITGO (Boulevard, Essoville, Ponton & Sta. Cruz), DA Drogist, ENNIA, Home Fun Super, Kooyman, McDonald’s, Mister Green Aruba, Pearle Vision, Rituals, Ritz Aruba, Top 1 Toys, TUI y Yrausquin.